【晨課起筷馬】谷勇落班打硬仗

第7場四班1400米草地，姚廐「綠色好運」在港初出一役即爆入冷Q，原本前景相當秀麗，可惜本身跑法被動，連仗均因意外受困，未能交出最佳水準，敗於際遇問題，與實力無關。

「綠色好運」上賽後一直有正常操練工夫，4月中安排試番課田泥1200米閘，由蔡明紹主轡，起步反應唔差，全程走位5 5 7，沿途所見，「綠色好運」全程馬頭向外側埋一邊，鞍上人並無太大力約束，長韁按住順跟，入正直路後才慢慢修正並催策加速，最終愈走愈順暢，以第7名過終點，身旁拍住衝線包括「紅運帝王」、「永遠美麗」及「遨遊氣泡」等超強對手，表現一啲都唔下風。

「綠色好運」試閘後再有4課快工夫，剛周一安排草地拍「烈火駿馬」跳兩段，全程走勢急勁有力，四蹄盡展，火氣再度提升，狀態勇得交關。今仗初次落四班作賽，換上希威森，係時候展現真身。

■陳志懷