【三T】$200萬三T華將打骰

今次賽事三T未有多寶累積，預計$10一注獨中派$200萬。剛周三黃智弘起孖贏夠20W升格7磅仔，而鍾易禮則食出尾胡進身大師傅，華將手風正順，不妨多加留意。頭關黃智弘騎「不可擋」出爭最擅長的1000米，其實上仗配鍾易禮於三班跑同程已入位，但居然上名亦獲減1分至60分，今次得以落四班，立即找來唯一牌仔黃智弘執韁，實際孭127磅不算太重，評磅員送大禮無理由不收。次關何澤堯坐騎「春風萬里」最適合做馬膽，已經連續3仗在不同路程上名，當中包括今次出爭的1600米，排13檔雖然有影響，但同場快馬不多，相信此駒有機會切入，秤先。