【戰況R2】蘇偉賢讚巴度撳慢步速致勝

低班長途真係走得快好世界？第2場五班2000米，蘇偉賢馬房「皇金風速」喺巴度胯下自6檔起步，出閘後快就貼欄自行領放，後方馬匹就積極搶位燒耗唔少氣力，結果益晒佢一放到底贏馬。今場跑第2名為田泰安大熱門「喜悅一生」，楊明綸「綠登」跑第3，第4名為潘明輝「符號」。

賽後，蘇偉賢表示「皇金風速」係前置型馬匹，今場出閘後冇耐畀其他對手燒咗一陣，不過巴度順利放得出之後都撳得慢步速，結果輕鬆取勝。接手「皇金風速」後，馬匹一直喺2000米至2200米交出穩定表現，就算落敗都輸唔遠，近仗都經常跑入獎金名次，今日場地對「皇金風速」或者有幫助，但聽騎師賽後匯報，頭一兩場啲地都仲係鬆鬆地，未去到好爛。

第2場賽果：8-6-10-7

二重彩賽果：8-6(最後賠率27)