【戰況R3】咩話？路程專家串$2,475 Q！

第3場四班1200米泥地爆出冷門賽果，上仗跑包尾嘅「寶麗生輝」，今仗改配田泰安回師贏馬路程，起步後守喺貼欄第3位，直路突圍爆出19倍冷W。今場跑第2名為巫顯東35倍「中華威威」，喺2W3Q首本路程再次入圍，串成$2,475連贏，二重彩派彩更高達$5,226。今場跑第3名為希威森「大眾勝利」，梁家俊「欣樂人生」放入第4。

今場勝出嘅「寶麗生輝」係希斯從練以來，在港第600場頭馬，賽後希斯唔知自己咁近600W，攞到都好開心。「寶麗生輝」話隻馬上仗不良於行後接受治療，目標擺喺今場，因為之前都喺呢個路程跑得好，田泰安喺閘前幫隻馬打圈，因為佢想起步後喺主動位置，結果見隻馬出閘後守到前三位都知道有機會。

第3場賽果：7-12-4-10

二重彩賽果：7-12(最後賠率522)