糖不甩退出 李嘉欣駿寶後備補上爭盃

馬會啱啱公布今個禮拜三跑馬地賽事，角逐第5場四班谷草1200米五陵會鑽禧盃嘅「糖不甩」退出競賽 (原因：右前腿不良於行)，由後備馬「駿寶」補上，將改由梁家俊策騎，並負131磅上陣。

由大美人李嘉欣同老公許晋亨夾份嘅「駿寶」，自季初贏四班谷草1200米後，一直表現平平，最近即使返回四班亦連輸兩場，今次改用梁家俊執韁，且看能否有不同演繹。