四班都連場上名 落到五班用潘頓咪贏硬？

蘇偉賢尋日憑「皇家風速」增添進帳，同場廐侶「綠登」亦跑第3名，幾乎包辦一條馬房Q，而喺禮拜三跑馬地賽事，Chris哥喺頭場五班谷草1200米又有爭勝籌碼，就係強調潘頓嘅「精明勇駿」，單睇賽績同近況，的確冇唔捧場嘅理由嘅。

「精明勇駿」雖然今季只贏1W，但演出都算穩定，最近評40分亦不斷集中於四班孭輕磅攻堅，近3仗取得亞季殿各一，證明本身係四班都有一定爭勝能力，但由於呢幾場都輸得遠，所以一直都冇加分。既然近幾場喺四班都係贏唔到，蘇偉賢今次決定讓此駒跑番五班賽，更搵到潘頓幫手，戰意鮮明。

不過，「精明勇駿」2月尾都試過重返五班出擊，當時鞍上人係布文，結果輸條頸畀「智勝攻略」，今次抽10檔劣位，唔知潘頓能否克服呢？