仍在醫院休養 容天鵬：已經好番好多了！

容天鵬已經有段時間未有於晨課同賽日露面，加上最近有不少馬匹他投，外界自然有唔少傳言，唔少人都擔心鵬哥嘅健康狀況，而據容太透露雖然鵬哥目前仍在醫院休養，但情況已經好轉，相信問題不大。

容天鵬亦於最近接受傳媒訪問，鵬哥表示由於肺炎嘅關係，目前仍要留院觀察，但依家嘅感覺已經畀之前好咗好多，佢當然希望自己可以盡快出院，但一切都要等到佢嘅免疫系統嘅指數回復正常，再由醫生決定，而佢亦有透露自己尋日有睇電視見到自己馬房「飛輪步」食尾胡嘅情況，大讚布文發揮出色。