57歲巫斯義 尚蒂伊取得新季首場勝利

香港馬迷相當熟悉嘅法國名將巫斯義，雖然已經考咗練馬師牌，今個馬季就仲係以騎師身份同大家見面，而响昨日尚蒂伊馬場舉行嘅賽事，終於迎來佢今季首勝，策騎練馬師杜誠高旗下Fly Half，勝出一場1000米2歲馬讓賽。

雖然巫斯義响今年1月初，已經步入57歲之齡，亦係現役法國平地賽騎師最年長嘅一位，但佢就坦言仲係好熱愛策騎，所以計劃今年嘅法國馬季，仍會以自由身騎多一季，剛過去嘅歇冬期佢就响卡塔爾客串，到上月先至回歸法國賽季，所以上陣唔係好多，至今都係响草地賽事上陣為主。

雖然早前柏兆雷宣布掛靴，其實法國仲有幾位5字頭騎師，一樣繼續馳騁沙場，今季剛好步入50歲嘅曼廸沙寶，依然有唔少支持，昨日亦响尚蒂伊交出頭馬，今個馬季亦有21W進帳。