認住呢隻鷹 輝哥接馬有保證

今早輪到艾兆禮北上從化馬場幫手試閘，而他昨日亦憑「祥勝力駒」贏馬，總算有回報，舟車勞頓都值得。至於這位意大利好手於周末沙田賽事的坐騎，今早不少都交由騎馬人代勞試跑，其中出戰第9場的「旌鷹」便在6時左右在大圈單跳800米，鞍上人呂卓賢拉士鬆韁考驗，馬匹即展現強勁追勢，勇態已備，期間姚本輝在烽火台食胡位親自打錶之餘，課後亦連隨走落隧道底接馬，緊張之情表露無遺。

需知「旌鷹」上場已由艾兆禮接手，即使塞車下無以為繼，但輸完減夠2分，今戰即可落四班作賽，部署夠精準，加上戇豆先生唔肯放手，必然想拼個明白，而騎者剛周一亦親自替「旌鷹」彈咗課1800米草閘，務求做到萬無一失，戰意加零一！