【投注見解】呂健威布文唔止搏安康萬里　仲有...

呂健威衝擊冠軍，近月趁伍鵬志成績停滯不前狂追，尚餘兩個月時間要從後趕上說易不易，說難不難，但由落後十多場頭馬追至只有單位數差距，已十分犀利。

呂廐今期沙田日賽又猛攻，當中上仗熱至2.3倍開齋的「安康萬里」贏馬姿態誇張，勝後仍在四班着數，今仗續配贏馬拍檔跑勝途1200米，連捷機會依然突出。

同日有兩組四班1200米，除「安康萬里」之外，呂廐另一匹參賽馬「遙遙領先」同樣有餐士。表面睇，「遙遙領先」是布文順便騎，但其實騎者一早已為這匹質新馬操練，便知非「豬頭骨」。尤其4月12日布文在港唯一一次北上從化試閘，「遙遙領先」是當中一員，結果在其胯下取勝，馬匹前快後勁，末段一推騎即有反應。回港於4月底再試泥閘同樣由布文親試，這次留前試後鬥心勁，今仗操勇瞄準1200米，擺明配合馬房出擊。

■梓忠