Cody戰馬浩蕩出試 搵阿綸拍檔演出

這朝早是巫偉傑(Cody)馬房主要課期，7時正，巫廐有賽程戰駒一lot過亮相出大跑道快試，包括報跑三班1200米的「加州德至」，四班1000米「電路七號」，四班1200米第1組「時時如意」，四班1200米第2組「背背龍」，五班1200米「快馬加鞭」及五班1650米「最佳拍檔」，練者守在烽火台隧道口逐匹檢視，之後再返回室內舉鏡督操，場面浩蕩又吸睛。

值得優先留意戰駒是上仗同程跑第5名的「最佳拍檔」，搵楊明綸過檔快跳兩段，預計都係由佢策騎，阿綸剛剛完成300W個人紀錄兼攞埋騎師王，鬥心番晒嚟，再加多兩錢肉緊努力操馬，希望憑此駒同Cody合作有所突破喇！