【戰況R6】尋寶勇士腳患嚴重 馬主讚方嘉柏有心機

第6場四班1000米大混戰，結果由方嘉柏馬房「尋寶勇士」喺何澤堯胯下落飛後上勝出，呢匹馬足足抖咗一年先喺今仗復出，睇番傷患紀錄，一對前腳都傷過，如今養得番真係要畀個叻方嘉柏。今場跑第2名為艾道拿「極光彗星」，蔡明紹「開心馬」跑第3，第4名為潘頓「運來勇士」。

賽後，馬主爸爸梁孔德表示「尋寶勇士」早前受嚴重腳患困擾，佢唔了解詳細情況，但隻馬都成年冇出賽，方嘉柏好畀心機處理問題，今日場地狀況難以預測，「尋寶勇士」一路居尾二位置，入直路展現走勢贏馬感到驚喜。「尋寶勇士」仲係好後生，同埋好緊張，會驚鏡頭，但本身有質素，相信四班冇問題，雖然睇血統可以再跑長少少，但因為質素唔錯，所以今場縮落嚟1000米都應付到。

第6場賽果：8-3-9-2

二重彩賽果：8-3(最後賠率132)