JRA公布 香港孖寶報埋寶塚紀念賽

JRA昨日公布寶塚紀念賽海外賽駒報名名單，遠征安田紀念賽嘅香港孖寶：「浪漫勇士」、「遨遊氣泡」繼續榜上有名。

「浪漫勇士」喺原先計劃，沈集成透露都係把握今次遠征行程，報晒兩場賽事，因為兩仗舉行日子接近，分別於6月2日同6月23日，如果萬一於安田紀念賽表現非常出色，或者考慮再恃勇態再跑多場，故此報寶塚紀念賽屬保險性質；至於「遨遊氣泡」同樣報埋名，姚本輝表示買多重保險，若然跑完安田表現滿意，將會考慮出戰可能性。

值得一提係，過往傳統於阪神競馬場舉行呢場2200米國際一級賽，由於阪神競馬場正值翻新工程，今屆賽事將會移師京都競馬場舉行，並且將會係歷來首次有香港賽駒於京都參與賽事。