旺人輝如有神助 爭冠機會不能抹殺

上周日姚本輝大演帽子戲法，昨晚又憑「鑽石寶寶」贏馬兼捧盃，旺過旺角，目前鎮守住練馬師榜第3位的他，只落後榜首的伍鵬志11場頭馬，而今季餘下賽事還有15期，話少唔少，爭冠機會不能抹殺。

周日沙田賽事，姚廐大派9駒參戰，不乏季內交出過好表現之輩，今早為最後試跑課期，未夠5點已被安排出跳，頭批即見「上校」與「小神仙」先行由助手單跳，輝哥在烽火台食胡位全程鏡不離手，其中「小神仙」課後更吸收到練者走落隧道底恭迎，繼而再護送返機坪，做到一絲不苟，擺明心中有馬，需知此駒贏完場田草1600米後，打後3仗跑谷草俱無以為繼，明顯唔鍾意坐運馬車過海，今勻回師大場，初跑田草1800米，觀乎田草2000米都追過一席第5，氣量不用懷疑，可望回復真身！