古摩亞放風 香港買家接手三級賽冠軍

「大至尊」揚威今屆香港打吡大賽，加埋仲有同期「難以置信」，嚟緊呢個古摩亞貨源，肯定又會成為香港買家嘅鎖定目標，睇吓仲會唔會有啲揀手貨，可以喺岳家軍手指罅漏出嚟。

新近古摩亞消息，四月於李奧柏馬場贏過G3嘅「高喊助威」(Battle Cry)，據知已經有香港買家接貨，目前已經離開巴利多爾馬房。

睇番呢匹出自「真金不換」(No Nay Never)嘅「高喊助威」，本身戰績唔差，6戰2冠2亞，剛剛於新季初仲贏埋三級賽，不過呢次肯賣斷嘅原因，原來馬匹近期已經接受閹割手術。

雖然目前仲未知道邊位香港馬主或練馬師接盤，不過相信呢個貨源，仲會陸續有嚟，勢成下季進軍經典賽事系列嘅焦點。