【馬場第一攝】名牌馬主愛駒今次又嚟料

羅富全馬房在周日賽事派出8駒上陣，今期有件初出馬絕對值得大家注視，就係第4場四班1200米「天天耍樂」，蘇啟聲名下愛駒，之前隻「天天同樂」已經一出即勝，以往囡囡匹「夢想成金」也戰績彪炳，同系馬匹鬥志鮮明，好大餐士再嚟多一鋪，馬兒備戰狀態同樣做到十足十，試泥地大閘全程搶走勇態畢呈，令人印象難忘。

今早幕後亦有搏殺手影出現，「天天耍樂」由何澤堯跳兩段，操畢回來在機坪解鞍處已見練者等待接馬，再捉住何澤堯開會密斟，場面矚目，擺出一副搏殺格。

剛戰梁家俊幫全哥隻「港林福將」再下一城，雙方繼續緊密合作，其中第10場三班1400米的「忠誠寶寶」點可以唔吼實，兩勝同程且贏甩對手，上仗增程1600米唔掂，踏實部署跑番拿手路程，戰意非凡，朝早此駒由家俊過檔快試兩段走勢硬朗有勁，狀態不斷進步，練者也有在機坪接馬及與騎者商討策略，十分搶鏡，尾場馬膽之選。

早餐料:

第4場:4「天天耍樂」

第7場:8「遨遊武士」

第10場:8「忠誠寶寶」

阿藍