畀威哥追得氣咳 伍鵬志爭100W靠神虎

估唔到今季冠軍練馬師之爭，依家真係去到白熱化，隨住呂健威尋晚憑「合夥奔馳」食尾胡，依家只係落後伍鵬志3W，畀威哥追到氣咳，Pierre梗係想盡快反擊，而佢在港已累積99場頭馬，亦想突破100W呢個關口，同時擴大領先優勢嘛。

至於今期沙田賽事，伍廐擺下強陣，當中餐士最好應該係第3場一班1400米嘅「神虎龍駒」。雖然此匹5歲馬近況不及同組對手，但最近4場有3場係G1，另一場係二級賽，依然有接近演出，今回只係跑普通一班賽，仲要係少馬場合，自然更合發揮。

為咗唔好畀「神虎龍駒」孭重磅，伍鵬志今次亦搵咗黃智弘減7磅，令此駒只負126磅上陣，憑其級數，應該可以幫伍鵬志增添進帳。