【獨門秘技】梁家俊重策要交功課

梁家俊前季贏48W，上季亦有36W，但今季暫時只得20W，季尾要追落後，近8W有6場出自羅富全馬房，今期7匹坐騎策羅廐3駒都具實力，另策黎廐「四喜鳥」亦具坐位望贏機會，值得捧場。

第2場四班1200米，「四喜鳥」上季初出即勝同程，第3戰首跑1400米亦僅敗，連「馬林」都為蹄下敗將，以為可扶搖直上，之後進度卻未如預期，上季尾用潘頓連輸3仗；今季初出直路賽後追第3後又輸兩仗，梁家俊首次接手跑1400米得跑第3僅敗，若非大半條直路受困戰果已改寫，不過已證明人馬啱發揮，近兩仗跑番1200米用麥道朗臨場都落飛，可惜受制不利追形勢，只得亞殿各一，今次梁家俊重新接手，場地回復正常有得追，騎者必好好把握機會。■西門獨