【變出彩虹】呢兩期1W唔夠喉 威哥又嚟大攻勢

威哥今期又有大搞作，好似第3場二班田草1400米的「包裝必勝」，忠心好馬上次已放入Q，現時跑此程或更勝1200米，各位小心。第6場四班田草1400米的「高明力量」，早輪不停跑泥地尚見輸唔遠，已減到四班低分位，扒冷可考慮。第10場三班田草1400米的「手機錶霸」，則是上年香港拍賣會860萬標王，2連勝後剛戰留後支支左左追第3，回一場氣又可嚟料。

至於威哥周日第4場四班田草1200米有匹新馬「哈羅威」初試啼聲，在從化贏試閘出步已見開揚，伍鵬志同威哥季尾大鬥法，分野是伍廐現時甚少贏3、4歲馬，但威哥已有「龍之輝」、「安泰萬里」、「開心寶寶」、「獨步天下」等出道甚短的新貴贏出，又睇吓「哈羅威」初配艾兆禮能否一戰功成？●靈駿