機緣女好耐冇拉頭馬 今次黃金機會！

大家記唔記得「機緣」系靚女Gina？早幾年佢以白雪公主look同爸爸李偉然拉頭馬，馬迷真係驚為天人，成日都想佢多啲入場，疫情之後Gina確係少咗現身，所以好多人都淡忘咗佢，不過今個禮拜日，可能又會喚起大家嘅記憶喇，事關佢同爸爸名下的「機緣醉夢」再次出動，呢隻自購馬之前兩戰四班田草1400米，一次同「勝利神駒」埋Q，一次則敗於「陽光勇士」得第3，上次特登扳上1600米，擺前走跟3段練氣返來，今次落番四班縮程跑1400米，鄭俊偉部署完全係有晒計劃，睇吓Gina係咪可以影番張頭馬相，等大家望吓佢個靚樣喇。