榜首伍鵬志用弘仔減磅！文家良差1W畢業靠佢！

啱啱周三晚，鄭俊偉做咗一個正確決定，就係用7磅仔黃智弘騎「好如意」，結果呢隻馬拉士在外欄衝得最行，幫練者帶來重要1W，距離安全線拉近到只差3場，黃智弘呢場頭馬堅係還魂丹！唔止咁，早前航哥亦都係靠黃智弘幫手贏「蟲草之凰」第2W順利畢業，另外護級漩渦中掙扎嘅石哥徐雨石，早排亦都係用弘仔贏「輗多福」同埋「胡椒軍曹」。

好多馬房去到季尾無退路，就要諗辦法變一變，嚟到呢個階段，好多馬都跑到殘晒，黃智弘有7磅減，擺佢上去隨時有驚喜，畀威哥追到氣咳的伍鵬志，近期都面對現實，開始用黃智弘喇，周日第3場「神虎龍駒」更係實力餐士馬，上次跑G1輸畀「永遠美麗」，今次落番一班用黃智弘都只係孭126磅，一千磅多些少馬唔使孭重，機會嚟喇~

仲有仍差一場非五班W先合格的文家良，第7場匹「紅愛舍」都專登搵黃智弘幫拖，近期輸唔遠且落三班只負127磅，睇吓騎者可唔可以再擔演救星，幫爭冠的伍鵬志同埋未合格的文家良贏場寶貴勝仗？