【戰況R9】點都過唔到同祥和順！米高鄭今鋪慘了~

第9場三班田草1200米，大熱門落在「同祥和順」身上，至於次熱門則為鄭廐「愛馬善」，呢兩隻擺前走賺慢步速，拉士鬥嘅都係佢哋，安仔已經出晒奶力催策「愛馬善」，但真係質素分野，點都係過唔到「同祥和順」，米高今日屯重兵，最叻呢場做二奶，慘了。至於希威森，今朝上載咗張沖冰水涼嘅相，仲剪埋頭髮添，唔怪得咁sharp醒喇。是場跑第3、4名，係潘頓的「鐵金剛」及周俊樂的「時尚風趣」。

贏到第22W嘅廖康銘，賽後表示「同祥和順」上仗失運落敗，此駒一直進步中，相信前景唔錯，而今日落雨明顯有幫助，今仗贏馬後，嚟緊兩星期會睇吓隻馬狀態如何，今季會畀隻馬跑多場1200米，下季隻馬應可扳上1400米發展。廖康銘又提到，今日已經跑咗3個第2，但跑馬就係咁，自己好開心見到「同祥和順」贏馬。

第9場賽果：4-3-6-5

二重彩賽果：4-3(最後賠率12)