尾場短途混戰 CEO最睇好狀元！

今晚第9場二班1200米，馬會CEO應家柏先生預期步速不慢。「電氣騎士」曾於1月勝出同班同程，上仗競逐1000米重敲勝鼓，沿途居領放馬匹之後，直路初上前透出，加速帶離對手，今仗續由布文執韁，依然有機會走入三甲。

「顏色大皇」最近4仗同程取得3捷，上仗沿途居於領放馬外側，直路上衝刺凌厲，以3個馬位之先勝出，今回升班出戰，抽到最外檔，但仍有位置機會。「八駿巨昇」上仗競逐同程展示銳利前速，一放迄終，今仗抽到理想的5檔，亦有位置機會。

「好友心得」今季已4捷同程，上仗越級挑戰二級賽短途錦標落敗，賽後被送上從化小休重整旗鼓，並於當地試閘輕鬆跑第1，今仗從2檔起步，形勢有利，可望坐位望贏。「晶晶日上」本季上陣5次全入前四名，今仗抽6檔屬理想檔位，是今場另一贏位之選。