何澤堯接手錶之銀河 金鎗式跑法試閘包尾

沙田馬場今早舉行4組大閘，焦點所在當然係何澤堯接手伍鵬志訓練的應屆打吡亞軍「錶之銀河」，但由於Vincent用「金鎗六十」跑線，「錶之銀河」最終包尾衝線。

今朝4組大閘當不乏過100分好手參與，當中伍廐嘅「錶之銀河」交由何澤堯接手試閘， 出閘之後呢隻打吡亞軍守喺第5位，轉彎前Vincent已經將「錶之銀河」抽出嚟望空，最後200米再鬆一鬆，隻馬反應唔錯，雖然包尾衝線，但過咗終點個餘勢都唔差。

同組原本仲有蔡約翰一對高分馬，但「紅運帝王」臨時退出，「好眼光」就跟前第3名過終點。至於同屬蔡廐嘅「嫡愛心」喺第4組試閘，留前鬥後，交出唔錯追勢。