1匹外隊 VS 7匹港隊 遮打盃花落誰家？

周日將上演三冠大賽尾關遮打盃2400米，此場一級賽雖然過往曾有外隊馬參戰，但港隊都能抵抗外隊保住遮打盃，不過今年情況更見緊湊，因為藍營高多芬派出「桀驁之戀」來港爭盃，此駒出賽18戰有12度報捷而回，近況極銳利，已經連勝3仗包括杜拜司馬經典賽G1，加上繼續由布宜學主轡，確是極有贏面。

不過港隊以7敵1，仍未算太落下風，其中扯頭纜估計是今年打吡冠軍「大至尊」，此馬當日2000米尾兩段造出超高難度的22秒78及22秒58奪冠，長途實力深不見底，上次出戰女皇盃雖遇滑鐵盧，但於黏地上陣未可作準，潘頓近期連操4課極為重視，今次增程跑哩半料會全力出擊。

此外，東廐兩匹最近於2400米皇太后紀念盃同程埋Q的「當年情」及「錶之五知」，路程性能亦有晒保證，未許或忘。投注上，推介用「桀驁之戀」做連贏膽，拖回「大至尊」、「當年情」及「錶之五知」。若然臨場有雨，變化地特佳的「將王」亦可秤高一線，至於「直線力山」剛試閘回勇，若然買三重彩都要拖埋。