米高差2W畢業 趁今個周日攪掂？

剛剛夜賽，米高又靠「新力」贏馬，現時已有14W揸手，差兩場非五班頭馬就畢業，練者近期谷馬真係幾應，今次周日出5隻，會唔會趁勢起個孖上岸免夜長夢多？

頭場新馬賽1200米，快馬「東昇鉞」上次同擂台躉「超力量」埋Q，今次後駒贏完加到128磅，但此匹鄭廐馬仍是121磅，若果放出來跑，「超力量」未必一定食硬佢。第8場四班田草1600米，「富喜來」亦是好近勝門嘅當弗馬，上次不敵步速有利的中班好馬「銀進」屈居第2，今次回師田草一樣夠卡士，唔好睇小佢。仲有尾場跑1400米的「自力更生」，剛戰跑1200米擺明嫌短，但都追到一席第5，由呂廐轉過來跑5次已經仄準晒，會唔會係翻版「蟲草之凰」，威哥放水送出去幫兄弟上岸？「自力更生」落班排埋1檔，小心爆呀~