季尾階段 晨曦系有儷人幫Pierre爭冠？

馬季踏入白熱化階段，冠軍練馬師之爭已經去到最後直路，目前排練馬師榜榜首嘅伍鵬志(Pierre)領先次席嘅呂健威兩場頭馬，為力保榜首位置，Pierre係星期日(26日)遮打盃賽日派出三隻J布新血上場，當中包括第4場嘅3歲自購新馬「晨曦儷人」。

「晨曦儷人」今年初曾放緩操練工夫，今仗賽前參與6課大閘先出賽，而且試閘中，此駒展現唔錯速度，伍鵬志希望藉今次出賽去觀察「晨曦儷人」嘅質素同速度，練者表示：「『晨曦儷人』比較後生，來港前操練工夫未夠，加上今年初腳部有少少問題，我哋放慢咗少少工夫，所以需時提升返狀態，但佢可以話係一匹唔錯嘅3歲馬。」。

「晨曦儷人」現時只3歲，Pierre認為呢匹質新馬仍有進步空間，佢話：「出閘同陣上留放都要再學，希望今次可以攞個好嘅經驗，加上同場有一、兩匹強手列陣，有獎金名次已經好開心。」。