【戰況R2】原來係咁！美麗多盈跑沙田叻過谷草！

第2場五班1600米，賀賢馬房「極速之星」喺艾道拿胯下臨場著啡格，由12倍打落5.2倍開跑，起步後守貼欄第3位，但直路嚴重塞車，望空後為時已晚，只跑第2。今場頭馬為潘頓大熱門「美麗多盈」，直路從中疊望空安車平五路，發揮一流，潘頓似乎剛周三食完白果之後，今日大賽日好醒神喎！今場跑第3名為布文「友誼喜悅」，賀銘年「無敵精英」後上第4。

賽後，馬主郭浩泉表示「美麗多盈」回師沙田更合發揮，之前跑3場谷草可能冇咁好，今仗返田草抽內檔就會交到好表現。「美麗多盈」一直都好健康，加分後應仍居五班，希望可以繼續喺沙田跑，若然跑1800米就更好。

第2場賽果：10-9-2-6

二重彩賽果：10-9(最後賠率19)