【戰況R4】潘頓有心跑 走位就係咁精靈！

第4場四班直路賽，初出即勝掛頭牌的「天天同樂」，用潘頓熱到2倍，騎者今場真係幫盡走位，排3檔早早跟前列，之後慢慢移出去外欄唔蝕，形勢復利下最終力克初出馬「晨曦儷人」取連捷，下次三班見喇。是場跑第3、4名，係慣常搶頭走的快馬「輗多福」及上次新勝直路賽的「精彩勇士」。

贏到第39W嘅羅富全，近5次同潘頓合作贏咗3W，真係好犀利。賽後全哥指今仗「天天同樂」要孭重磅同排內檔，所以有啲擔心，特別「天天同樂」3歲就要孭135磅，但今日出閘比之前順利，可以跟前喺第2位，最後贏到。至於季內會唔會再跑，全哥話要睇馬匹狀態，同埋距離煞科都仲有個幾月，而升班之後或者會增程至1200米。

第4場賽果：1-5-13-3

二重彩賽果：1-5(最後賠率25)