捧遮打盃唔夠喉！桀驁之戀想執埋年尾香港瓶！

藍營今日KO主隊，捧走G1遮打盃！騎者布宜學話「桀驁之戀」一向都遠征開，所以今次來到香港都適應得OK，今次「桀驁之戀」贏馬都證明級數，「桀驁之戀」今年3場明顯重拾最佳水準，至於自己已經幾年冇來香港跑遮打盃，之前騎過「巴基之星」贏一級賽，依家再喺香港捧G1非常開心，若然「桀驁之戀」保持到狀態，年底有機會再來香港跑2400米香港瓶。

賽後布宜學話要讚下幕後團隊，因為今次遠征香港，備戰都做足，佢哋唔會看輕香港嘅長途馬，而此駒今場表現亦好好，均速馬都盡量讓此駒守前列位置，拉士反應好好。

至於練馬師艾柏賓，對「桀驁之戀」勝出遮打盃感興奮，同時表示此駒上年表現不佳，但今年已經回復最佳狀態。練者感激高多芬團隊願意讓馬匹遠征，並指香港一直是他的目標，艾柏賓過去曾派「蔚藍海角」來港出戰主席短途獎，但最後無功而返，令他知道要找一匹適合香港的賽駒，而艾柏賓指年底國際賽日或會派「桀驁之戀」來港參戰。