【戰況S3-1】莫雅又中伏 高樺勝雪砌低多產巨匠！

今晚轉播賽S3-1場愛爾蘭達德素金盃一級賽2100米草地，直路上係大熱門單挑次熱門呀，2倍最熱的古摩亞「多產巨匠」，跟前列好位一度出頭，以為岳伯仁、莫雅可以喺轉播賽威番一次喇，點知次熱門灰馬「高樺勝雪」唔放過佢，末段狂追呀，呢匹簡國能坐騎走勢更勁，壓下「多產巨匠」首嚐一級賽勝利，此馬上年爭英國打吡及愛爾蘭打吡俱無功而還，事隔一年後近期3出3捷，確係進步神速。是場跑第3、4名，係35倍冷門「秘金力量」及易健寧的「軒昂駒」。

S3-1賽果：7-1-2-3

二重彩賽果：7-1(最後賠率5.9)