【戰況S3-2】呢隻上次英一千堅尼倒灶 今鋪返晒來！

第S3-2愛爾蘭一千堅尼一級賽1600米草地，岳伯仁、莫雅的「歌劇女聲」，上年尾喺馬素爾大賽G1大勝5馬位，今場又成為大熱門，不過古摩亞上年好多勁馬，到今年進度不如預期，呢隻「歌劇女聲」直路鬥衝亦都係差少少，只得季軍咋，至於亞軍係之前3戰全勝的簡國能坐騎「淡紫蘿拉」。頭馬則落在杜漢培的「下凡仙姬」之上，此馬上次英國一千堅尼係大熱門，但只能以第8名過終點，殊不知隔咗3個禮拜重現真章，沿途守第2位，直路透出後雖然一度似慢車，但一轉左腳又再加速，第2度捧走一級賽，亦為幕後拎到約243萬港元頭馬獎金。

S3-2賽果：7-1-9-5

二重彩賽果：7-1(最後賠率44)