今朝起飛去日本 沈集成搵埋物理治療師幫手

雖然香港馬季最後1場G1遮打盃已經喺尋日完滿結束，最終亦由海外參戰馬「桀驁之戀」掄元，但香港馬迷嘅焦點已經擺晒喺今個禮拜日喺日本東京競馬場舉行嘅1600米G1安田紀念賽，事關兩匹香港佳駟「浪漫勇士」同埋「遨遊氣泡」雙雙遠征，極有機會為港爭光。

據了解，姚本輝應該會跑完周三賽事後，禮拜四才去日本，但由於「浪漫勇士」將於聽朝進行快跳，並由麥道朗親自考驗，因此沈集成今朝出發，而佢今次除咗有幾位馬房手足一早去咗當地為「浪漫勇士」備戰，自己更帶同釘甲匠鍾梓勤，同埋聘請嘅物理治療師Tom Simpson同行，確保今次遠征萬無一失，而阿Tom本身已有於沙田為5至6個馬房幫手做嘢，難怪得到成哥垂青。