唔捨得講拜拜 係時候起「快」

一連兩期都未有頭馬見面的希斯，昨日除了再慘添兩個亞軍，更有全熱門「飲杯」閘前退出，認真濕滯，但觀乎希廐於周三全泥夜宴的排陣，絕對不乏追數機會，其中出戰第6場的「快快盈」上場因周俊樂停賽，換上田泰安表現卻不似預期，今勻回配前仗曾於泥地1650米剷入第3的周同學，可謂故劍重逢，增程跑1800米泥地，相信會更啱追，說不定是騎練早有共識，值得信賴。

今早6時半，大圈剛好耙完地，希斯第一時間安排「快快盈」由助手出跳，期間見練者在烽火台2樓親自打錶，再連隨走到機坪接馬，繼而向鞍上人問長問短，仲傾到唔捨得走，以往非騎師出試的馬匹，極少出現這類緊張鏡頭，大抵可返馬房才慢慢了解，練者如此心急追問「快快盈」即時操練報告，擺明要起筷！