【東京直擊】為港爭光！浪漫勇士攻陷日本安田紀念賽！

「浪漫勇士」與「遨遊氣泡」今日喺日本競馬場出戰1600米一級賽安田紀念賽，雖然準香港馬王「浪漫勇士」臨場有啲汗濕，但無礙發揮水準，喺騎師麥道朗胯下早段守中前位置，直路從馬群中穿插，望空後即直奔終點，勝出呢場重要嘅一級賽。

「浪漫勇士」連續喺香港、澳洲及日本勝出一級賽，係首匹香港賽駒單季勝出5場一級賽，真係前無古人。而港隊代表先後3度勝出安田紀念賽，包括2000年「靚蝦王」、2006年「牛精福星」，以及今屆「浪漫勇士」。

今場跑第2名為武豊「匯兩川」，莫雷拉「神志勇進」跑第3，第4名為長岡禎仁「地神力」。港隊另一代表「遨遊氣泡」，以第17名過終點。

S3-1賽果：7-5-10-2

二重彩賽果：7-5(最後賠率16)