【分秒在握】後上爭勝可做到

剛周日兩場三級賽，分別由3歲「嘉應高昇」勝出1200米，以及由兩匹4歲馬「錶之銀河」及「禪勝輝煌」在1600米串成連贏，美中不足的地方，係「禪勝輝煌」鞍上人希威森直路的發揮令人搖頭三嘆，明明係大好形勢，但就突然停了一步催策，而末段更甩腳踏，如此狼狽表現，日後怎能擔當重任？伍鵬志在呂健威布下重兵的日子起孖，反而強敵就得1W5P，一來一回暫時獨據榜首，且看能否笑到最後了。

季尾階段伍鵬志及呂健威都係可靠對象，兩者為爭冠軍草本皆兵，今次就睇好伍鵬志第6場的「我做到」。此駒與大部分廐侶相反，季初表現一直欠理想，但踏入季尾，馬匹卻明顯踏入大勇期，前仗出爭谷草一哩，排2檔守好位下贏來清脆利落；上仗加分加磅後再爭同程，卻抽了個8檔，早段一留再留至尾列，直路仍奮力追上只負頭位得第2名，今次捲土重來，同場快馬排中外檔，相信為切入必會搶得較快，如此一來，正合「我做到」的後上跑法。

■長風