回歸日本 連達文寶塚紀念賽周客串兩日

連達文去年於日本客串，由於陣上9度犯規累積滿32分超過上限，按照JRA對於海外騎師罰分體系，今年暫拒對方嘅申請客串，不過隨住佢嘅罰則已於6月初屆滿，雖然申請常規客串要到明年至復常，但就唔限佢今年下半年，可以先喺大賽日作短暫客串。

據當地報導，連達文已獲得JRA批准，將於6月23日京都競馬場舉行嘅寶塚紀念賽日披甲，當然亦會批佢跑埋之前一日嘅周末賽事，並且定咗喺東京競馬場上陣。

其實連達文自2019年4月開始前往日本，疫情前後已經有8次在日本客串嘅紀錄，合共累積146場JRA頭馬，2019年就憑「雍容白荷」包辦寶塚紀念賽與有馬紀念賽孖寶，今次重臨雖然只係客串短短兩日，以佢喺日本馬圈嘅人氣指數，相信都唔愁無支持，而呢場賽事，亦會納入香港越洋轉播賽事戲碼。