進度未似預期？颯醒劍指考菲爾德盃

2023年新西蘭打吡盟主「颯醒」(Sharp 'N' Smart)去年賽績堅到爆，上年贏完新西蘭打吡之後，之後去澳洲出戰澳洲打吡，喺布文胯下跑入一席第4名。不過「颯醒」喺9月復出後一直表現平平，最近5仗，只在今年1月14日喺新西蘭愛沙妮馬場出戰一場1400米讓賽跑入第3。

「颯醒」近仗表現未如預期，喺3月跑完之後一直放慢進度，不過近日已經恢復操練，此駒練馬師羅渣遜表示，「颯醒」上場賽前因病毒感染，以致上仗賽前備戰不足，未能展現最佳實力，但此駒現時成長得好好。「颯醒」復出之戰將會前往澳洲出戰2400米G1考菲爾德盃，跑畢呢場後就會再視乎馬匹賽後狀態再決定會唔會出戰埋3200米G1墨爾本盃。