呢個倉超過7成頭馬都係谷草W拿！

巫偉傑(Cody)今季暫時取得17場頭馬，無論係新例定舊例達標要求，Cody當然係上咗岸。以Cody季初兵源，首季作風緩慢不急進無可厚非，踏入季中階段，巫廐都發動攻勢，慢慢愈贏愈多。查巫廐17場頭馬之中，合共有13W喺跑馬地贏得，相信練者部署谷草都有一定心得。今期跑馬地夜賽，巫廐雖有「最佳拍檔」退出，但「利嘉輝」補入後維持4駒出戰，仍可留意。

第4場四班1200米「糖不甩」自初出一仗跑過谷草之後，其餘賽事均在田草1400米上陣，上仗此駒本來已縮程報跑谷草1200米，但因右前腿不良於行退出，復課後試閘輕勝姿態好，今仗換田泰安存變數。

至於第9場三班1650米「浪漫老撾」上仗重返有利評分贏馬姿態游刃有餘，賽後加了5分今仗要負130磅上陣，抽6檔起步預料形勢唔會太差，挾新勝勇態仍有權再下一城。