抽1檔形勢扭轉？希斯期待囍眼光會再進步！

「眼光」系馬主譚榮根向來養馬運唔錯，名下賽駒多數都有幾場頭馬進帳，當中代表作係剛退役嘅「好眼光」，在港服役期間最高成就係今季初贏得二級賽精英碗。而大衛希斯馬房嘅質新馬「囍眼光」，聽日將會出戰第6場四班1000米谷草。

「囍眼光」上仗初出排8檔起步，喺田泰安胯下全程外疊，最終以3個馬位之差不敵「尋寶勇士」跑第8名。雖然落敗，惟大衛希斯認為「囍眼光」上仗表現唔錯，練者表示：「雖然陣上有犯錯，但最後都交出唔錯嘅追勢，我整體滿意其上仗表現。而此駒跑完上仗後，賽前試咗課閘，表現良好，所以我期待今次『囍眼光』會有進步表現。」對於今次抽到1檔，練者為此感高興，並指係一個好好嘅優勢。