再策專屬坐騎 鍾易禮話隻馬狀態十足！

告東尼馬房嘅「亞機拉」出道至今一共上陣15次，當中只有4次唔係由前徒弟鍾易禮(Angus)策騎，此駒來港後2W4Q都係由鍾易禮操刀，而Angus星期三將會再次策騎「亞機拉」出戰第5場二班1650米，怡和盃。

「亞機拉」上仗於田草二班1600米跟前，最終僅以4分3馬位之差不敵「禪勝輝煌」飲恨奪亞軍。今次「亞機拉」重返贏馬路程，鍾易禮指馬匹狀態十足，跑法彈性，騎者說：「『亞機拉』好忠心，最近贏嗰課1200米閘係從包尾追上，其表現都畀到驚喜我，希望今次都交到同樣嘅走勢。雖然此駒過往曾喺三班同程一放到底贏馬，但嗰場始終慢步速，但對比今場咁多快馬，無必要夾硬搶前，所以希望可以擺番喺舒適嘅位置，靠最後直路衝一段。」