老馬迴光搵嘉熙代課 方仔父子追住睇

今早都有幾多賽前搏殺動態出現，值得同大家講吓，柏廐「聰明導彈」出戰第2場四班1650米，續由巴度策騎，8歲老馬同程贏過3W，路有專長，季尾似有迴光勇，上鋪沙田千四跑入冷腳，旋即轉攻拿手途程，唔搏就假，朝早此駒由陳嘉熙代課，方仔兩父子在烽火台督操完畢即趕返閘口迎接，表現得極為緊張，相信有計仔。

另一邊，馬房閘口隱約見到告仔背影，正好出戰尾場的「赤兔猴王」在佢面前經過，練者好少企喺呢個位接馬，鏡頭惹人注目，「赤兔猴王」演出準得交關，連續9戰得2冠5亞2季，未甩過3甲，今仗又係布文且排1檔，熱都要捧。