超超比復出跑谷草 周俊樂冀有快步速幫手！

沈集成馬房「超超比」今季成績亮麗，3月出戰香港打吡大賽更取得殿軍，證明本身質素唔差。不過「超超比」向來都有腳患問題，此駒上仗喺2400米G3皇太后紀念盃賽前因左前腿不良於行而退出，休息咗一個月之後，喺聽晚(12日)谷草第5場二班1650米復出。

上仗「超超比」原定由巴度策騎，今仗回歸谷草，此駒帥權亦回到周俊樂手中，騎者指：「『超超比』復課之後由我重新接手，此駒試閘同晨操步姿無問題，最近課閘都試得唔錯，走規好靚。不過『超超比』有時晨操走勢好似唔係好順暢咁，但真正落場跑落問題不大。今場賽事，『智取神駒』同『喜蓮勇感』都係啲贏過同程嘅實力嘅對手，呢場賽事水準唔會太差，不過今仗都有幾匹前置型跑法賽駒，希望到時有快步速幫手，等『超超比』可以留前鬥後，沿用一貫跑法一攻而破。」