無咗同得威 丁冠豪新馬賽出夠兩隻

丁冠豪今季目前只係贏咗10W，當中「同得威」喺新馬賽貢獻咗兩場，但根據規例，已在新馬賽獲2W「同得威」獲評64分，下場起要插入三班出賽。而喺星期六黃昏賽頭場1000米新馬賽，丁師傅就派出兩隻新血，「洛河」同「風雲」出戰，唔知能否順利接棒，幫馬房再次於新馬賽建奇功呢？

「風雲」同「洛河」2歲澳洲自購新馬，前駒來港試兩課閘都係由霍宏聲操刀，但暫時試落走勢普通，狀態似乎爭啲，但此駒父線出自早熟嘅「巨富」(Capitalist)，唔少在港子嗣都可以初出跑得好，或會帶來驚喜。而「洛河」於今月初喺楊明綸跨下贏過泥地大閘，走勢吸引，隨時係丁廐護級嘅重要兵力。