【戰況R10】賀銘年贏3倍大熱 幾耐冇試過？

第10場四班田草1400米，第9場「陽光勇士」已經贏咗馬的輝哥，再有大熱「大勢至富」得勢不饒人，今場步速只係慢過第9場三班賽少少，但狀態回起嘅「大勢至富」，快步速放頭真係好起勁，直路愈走愈有，頂住亞軍次熱門「博愛先鋒」及季軍著綠格16倍的「超悅明駒」，事隔近兩年半再贏馬，今場用賀銘年都係得3倍咋。第9口姚廐孖寶派$90，蝕水兩成多。

起孖贏到53W嘅姚本輝，指出「大勢至富」表現忠心，喺呢個分區有作為，連番跑近後終於喺今場取勝，而此駒今季右腿持續不良於行，但輝哥表示只係因為馬匹跑得多，係小問題，有針同藥可以應付。

第10場賽果：7-8-9-1

二重彩賽果：7-8(最後賠率10)