澳洲大滿貫 柏寶只差覺士盾

柏寶從騎多年，除咗喺香港贏得唔同大賽之外，喺家鄉澳洲一直都取得唔錯成績。

柏寶喺1995年憑Daacha取得G1悉尼盃，而佢喺1999年喺墨爾本盃嘉年華贏得9場頭馬，呢項紀錄保持至2021年先至畀麥道朗打破。柏寶從騎多年，曾於2010年策騎「水晶百合」(Crystal Lily)贏得1200米一級賽金拖鞋大賽，去到2012年，騎者夥拍「翠月」(Green Moon)勝出3200米一級賽墨爾本盃。柏寶離開香港重返澳洲，喺2021年夥拍長途氣袋「鼓動」(Incentivise)首度贏出2400米G1考菲爾德盃。柏寶只差覺士盾就可完成澳洲大滿貫。

雖然未能完成大滿貫看似有遺憾，但柏寶已經滿意自己策騎多年所取得嘅成績，而柏寶兒子Tom Prebble現時係維省見習騎師，所以柏寶呢個名，又點會咁快喺澳洲馬圈消失？