去韓國搵靚女剪頭髮 潘頓精神晒！

今個星期因為要轉播英國皇家雅士谷賽期，因此周中無馬跑，一眾騎練梗係把握機會出去玩吓，其中一個就係冠軍騎師潘頓，佢又同老婆Nicole嘆世界，今次就近近地去韓國玩吓。除咗飲飲食食呢啲基本嘢，難得嚟到韓國呢個流行文化聖地，潘頓都搞搞新意思，去咗一間當地好出名嘅髮型屋，搵咗兩個靚女幫佢剪頭髮，兼且做埋頭髮護理，立即精神晒啦。

潘頓仲喺佢自己社交平台都話，佢非常滿意今次理髮體驗，令佢好放鬆同舒服，仲話肯定會再嚟幫襯添。