【周五世界觀】荷里雷德宮Lady First

皇家雅士谷賽期第4日嘅壓軸好戲荷里雷德宮錦標，對上兩屆都係女權當道Lady First。前年贏馬嘅係杜希利坐騎「拉丁情人」，上年就輪到英國一姐杜苑欣發威，夥拍好拍檔屈亞騏訓練嘅「踏蹄有韻」爆出半冷。今屆賽事杜苑欣將策「藍風捲」打衞冕戰，呢匹馬上場響葉森打吡賽日嘅3歲馬讓賽贏得服役第3W，乘勇再跑短途賽，再贏唔奇。

至於今年年初響中東寫下多個第1嘅靚女騎師奧璇璧，就會騎佢爸爸奧斯本新接手嘅「蒼雷」參戰。呢匹馬本來由戴允誠訓練，今年飛去杜拜跑過兩次無功，返到歐洲冇耐就轉馬房兼做埋閹割手術，睇吓今次響新人事新作風下，可唔可重返勝門？