【世界觀】堅信復原快打急攻

響今年4月嚟過香港跑主席短途獎嘅「堅信」，接受完本地一眾短途好手洗禮後，實力似乎提升至另一層次，返到英國復出即贏表列賽，再出跑G1英皇查理斯三世錦標走不利嘅內欄場地，只係輸畀澳洲代表「飛雀」個多身位，幾乎追過舊年美國育馬者盃兩歲馬草地短途錦標冠軍「份量十足」。

包紀耀話初頭以為「堅信」跑完之後要抖番幾日，點知呢匹馬女體力恢復得好快，賽後第2朝就好似平時咁一早起身響馬格向外兩頭望，一啲都唔覺得攰要繼續瞓，難得處於勇境，所以安排呢匹馬匆匆再出，出戰壓軸大賽女皇伊利沙伯二世禧年誌慶錦標。

除咗「堅信」之外，響英皇查理斯三世錦標只跑尾2嘅「驊夢」，都會喺5日內連跑兩場。