【分秒在握】呂健威再創一片天

第7場形勢頗平均，同場既有前領之輩，同時亦有不少後上實力馬，初跑2000米的「陽明天空」雖未跑過同程，但就屢屢在1800米跑得好甚至上名，季尾回勇與何澤堯最夾，增程信得過。

幾匹同程好手各有疑點，「非惟僥倖」轉投姚廐兩戰不勝有位，贏完今次多加9磅之外，還要抽個14檔，要克服當然有難度；至於同程專家，5戰田草2000米3勝2位的「包裝旋風」，既要負135頂磅，兼且又抽13檔，同樣要講際遇。如此一來，「陽明天空」雖然初跑同程，但1800米屢屢跑得好，信增程亦可克服。

其實「陽明天空」今次跑得不多，12月國際賽日復出，至今只跑過6仗，平均每個月跑一次，拚搏有度之下，體力自然較對手優勝。事實上，此駒6月頭出爭田草1800米，孭129磅排4檔之下，遇上正常偏快步速，結果鬥衝下不敵大熱門「桃花開」；今次捲土重來，孭131磅排5檔，客觀條件其實與上仗相當接近，呂健威爭冠之際草木皆兵，此駒必不會退縮。

■長風

第7場　5陽明天空　7明亮天下

　　　 1包裝旋風　6非惟僥倖